مايك المنتدى

[بدور]

السلام عليكم ورحمة الله وبركاته ..

¸,.-~*مــــــآيــــك المــنــتــدى *•~-.¸¸


لكــــــل عضو .. صوت .. لابد أن يـُـــــــــسمع ..


ونحــــن كأخوة .. هنا ..


من واجبنا .. أن نستمع لبعضنا ..!


* ومن هذا المنطلـــق *


برزت فكـرة " مايـــك المنتدى "..



لذا .. سيحــق .. في كل يـــــــومين... لعضو واحـــــد فقط ..!!



أن يتملك المايك .. ويفصح من خلاله .. عما يريد قوله ..!




قواعـــــــد المايك ..


1) للعضـــــــو * صاحب المايك * :


لك أن تقول ما يحلو لك .. ( مقال .. خاطرة .. قصيدة .. تعرف بذاتك ) ..


ولك أن تجمعهم كلـــــــهم ..


فشعارنا هنا .. ((مــن قــدك المايك بيدك ))





2) للأعضــــــاء ..

عـــــدم مقاطعة العضــــــو بالردود " يعني .. ممنوع أي أحــد يرد .. على الموضوع .. قبل مايقول

العضو اللي معه المايك .. (( انتهيت ))

ومن بعدها الكل يقول رايه ..

وذلك لإعطاء حرية أكبر .. للعضو .. في قول مايريد وبدون بلبلة .. أو " دوشه " ..

لأنه مدة استلامه للمايك يومين فقط ...كما ذكرت سابقا ....

مـــــــلاحظــــة :

ســــوف أقوم أنا بآختـــيـــآر كل يومين عضوو او آدآري ....

والي بيعتذر عن الدعوة يعطيناا خبر .....




وقبل أي شي ابغى آخــذ رأي الجميع بالفكرة وخآصة آلآدآره آنتظر ردهم حتى آبدء وسوف يكون المآيك بيدي ..!!

شـرايكـم ..,,؟؟؟؟

بنتظــــــــــــــــــار ارئكم ..

دمتم بود

[jwely]

عن جد فكررررررررهـ نايس تسلم الايادي " بدور " واتشرف انو اكون اول من يرد ع موضوعكـ ..
واتوقع ان الاداره ماراح تعارض فكره مثل كذا لانو جد فكرتك حلوه ومميزه وفيها فرفشه كمان ونتعرف ع الاعضاء اكثر ..
اتمنى انو يكون فيه تفاعل اكثر ..

[العمده]

فكره رائعه

من ناحيتي ما عندي اي مشكله

توكلي على الله واختاري

وان شاء الله بتلاقي تفاعل من الجميع

يتم الثبيت والتقييم

شاكر لك

[مــشــاري]

شـكــ وبارك الله فيك ـــرا لك ... لك مني أجمل تحية .

[بدور]

احم احم احم
الوووووو فية صوت <<<<<<<<<<<<<< هاة شوفوا تراة جديد ماهو بكرة من كثر ماتطامرون علية تخربونة
الووو ياحظ عينك تنام اليل مرتاحة عاااااشوا <<<<<< فاهمة الموضوع غلط >>>>>> اقول اخلصي
الموهيم عاد انا كنت بطمر علية اول وحدة بعدين قلت يابنت عيب تنقزين العمدة فسويت تغير بالخطة وقررت اول شي اطمر عمدتنا الله الله بالمايك لاتخربة << امزح <<<< تراها خوافة
ياويلكم ياسواد ليلكم تقاطعونة غير لما يقول انتهيت <<<<<<< لعصبت ماترحم
بعدين مانبي حركات نذالة احد يفصل المايك والرجال يهرج اهجدوا وخلكم عاقلين
بعدها نشيك ع المايك نشوف خربان والا يشتغل ونطمر نفر ثاني جين
ويالله من اليوم شعارنا محد قدك المايك بيدك
حظ موفق لعمدتنا ومشكور ع تثبيت الموضوع وانشاء ينال اعجابكم

[كروزة]

المشاركة الأصلية كتبت بواسطة بدور [عزيزي الزائر يتوجب عليك التسجيل لمشاهدة الرابط للتسجيل اضغط هنا] احم احم احم الوووووو فية صوت <<<<<<<<<<<<<< هاة شوفوا تراة جديد ماهو بكرة من كثر ماتطامرون علية تخربونة الووو ياحظ عينك تنام اليل مرتاحة عاااااشوا <<<<<< فاهمة الموضوع غلط >>>>>> اقول اخلصي الموهيم عاد انا كنت بطمر علية اول وحدة بعدين قلت يابنت عيب تنقزين العمدة فسويت تغير بالخطة وقررت اول شي اطمر عمدتنا الله الله بالمايك لاتخربة << امزح <<<< تراها خوافة ياويلكم ياسواد ليلكم تقاطعونة غير لما يقول انتهيت <<<<<<< لعصبت ماترحم بعدين مانبي حركات نذالة احد يفصل المايك والرجال يهرج اهجدوا وخلكم عاقلين بعدها نشيك ع المايك نشوف خربان والا يشتغل ونطمر نفر ثاني جين ويالله من اليوم شعارنا محد قدك المايك بيدك حظ موفق لعمدتنا ومشكور ع تثبيت الموضوع وانشاء ينال اعجابكم

والله شكلك خبرة بالهمواضيع هههههههههههههههههه


حلوة الفكرة ونستنى التفااعل فيها لوووولز


تقبلوووا ممروري

[العمده]

[align=center]

اول واحد ما لقيتو الا انا دايم تحطوني بوجه المدفع خخخخخخخ

يالله مو مشكله هذا حال الدنيا << وش خلاك تصير مدير خخخخ

والله مدري وش اقول ولا وش اكتب لكن بما ان الدور عندي

من فصل المايك منكم ؟؟؟ الو الو ماهو شغال

<<< يروح يشوف السلك

اكيد بدور وخرو لا احد يجلس عند السلك

نكمل

كنا نقول اني مدر وش اكتب ولا وش اقول

لكني سويت توقيع توي مخلص منه << قل احلف خخخخخخ

وبحطه لكم طبعا التوقيع عن الام

طبعا ما نقدر نوفي حق الام بكلمه ولا مقال ولا تصميم

الام قدرها كبير جدا جدا وراح تعرفون هالشي وتحسون فيه يوم يصير عندكم عيال

يأذونكم ويطفشونكم خخخخخخ

انا مستغرب من شغله عيد الام او يوم الام الي يقولون عنه واخترعوه لنا

وش فايدته يعني

يعني تذكر امك وتجيبلها هديه في يوم واحد بس ؟ وباقي السنه اسحب عليها

انا مدري من الي اخترعه

قدر الام كبير جدا ولازم كل يوم نذكرها كل يوم نقبل يدها وراسها ونلبي لها طلباتها

حتى كل يوم نجيبلها هديه هي ما تبي مننا هديه ماديه

لا ما تبي هالشي

هي تبي تحس باحترامكم وتقديركم لها وبركم بها تبي تشوفكم

مبسوطين مستانسين هذي اغلى هديه عندها

كم سهرت وتعبت يا اخي تسع شهور وانت في بطنها ملعوزها ومطفشها

في النهايه تقولي يووووووووم الام ؟؟؟؟؟؟؟

يا اخي كل الايام وطول العمر للأم <<< عصب هههههههه

يعطيكم العافيه اكتفي بها الكلام اليوم عن الام

يمكن يجي براسي موضوع ثاني بجي اكتبه

مع عرض التصميم

طبعا في توقيعي بيكون بدون الاغنيه الموجوده الين نركب هاك اخفاء التواقيع في الاقسام الاسلاميه

شاكر لكم

[العمده]

تكلمنا عن الام وفضلها

ولو انها كانت كلمه قصيره وما جمعت فيها كل شي

ولكن لا تنسون حق الاب في نفس الوقت مو نروح نبر امنا وابونا نطنشه

لا كلهم سواسيه

ايه جالس افكر وش اكتب وش اكتب وش اقول

ايه قلت مالي الا اتكلم معكم عن الموضه الدارجه الي لها فتره طويله بالنسبه للحريم

العباه المخصره والفراشه .......... الخ

والله مدري وش يحسون به يعني من قلة العبايات يا بنت الحلال انتي يوم تنزلين

ماهوب لوحدك بتمشين في السوق وما احد بيطالعك في مليون شخص يطالعك في هاللحضه

يعني ما ألوم الشاب اذا جا وازعج اهلك

صحيح انه قليل ادب والمفروض ما يسويها لكن المنظر الي قدامه .........

يعني في البدايه مظهرك هو الشي الي يلفت الشاب

ثاني شي نظراتك اذا عاد عطيتيه مجال هههههههههه راحت عليتس

لا في مره من المرات لقيت وحده لابسه عباه مثل الثوب الرجالي ههههه انا قلت شكله واحد من اخويانا

لكن اللهم الي فرق حاطه الغتره ( الطرحه والنقاب ولا مدري وش تسمونه ) المهم ههههههههههههههههههههههه




يا جماعة الخير يقولون ان هذي عباه ههههههههههه والله انه فستان فرح

يعني تكفون قولولي اذا نزلت وحده بها الشكل وش بيكون الموقف ؟؟؟

لا وعاد بعضهم يقولون انا امشي باحترامي ؟؟؟؟؟

يا بنت الحلال افهمي اول شي مفهوم الاحترام

الاحترام مو بس انك تكونين مؤدبه في مشيتك هذي ما عينا منها

تكوني محترمه بعد في لبسك وتتقي الله في الي تلبسيه يا شيخه انتي اول ما تلبسين هالشي

تبدأ السيئات تشتغل

في مواضيع بالمنتديات منتشره يكون عنوانها

هل البنت الي تلبس عبايه مخصره تكون غير محترمه ؟؟؟

وانا اقول نعم غير محترمه لما ذكر سابقا انك تمشين في حالك مو كل شي لكن في ضوابط

اذا اتبعتيها كان اسلم لك واامن وهالكلام ما نقوله الا لاننا نخاف على خواتنا وهذا من دافع الغيره

وما نبيلكم الاذيه

طبعا كلامي هذا في الي بيزعل منه لكن بقولها بالطقاق خخخخخ <<< يا اخي حسن اسلوبك خخخخخ

بالطقاق يعني دقي راسك بالجدار ما قلت هالكلام الا لاني اشوفه غلط وفي بعضهم يقولك يا اخي انفتاح

وتطور محنا في ايام جدي وجدك تطورو لكن بعقل وبحدود اتقو ربكم

لكن ما اقول الا ان كل الي صاير سببه الاهل والوازع الديني ضعف عندنا

لو الاهل لهم كلمه كان الدنيا بخير وابتعادنا عن الشريعه الاسلاميه

لكن ما نقول الا الله يهدينا ويهدي جميع بنات المسلمين ( قولو امين )

وفي الحين حملة قريت عنها بالمنتديات حق الكلوركس يجون مجموعه من الشباب

معهم ابر مليانه كلوركس المهم يروحون الاسواق

ويلقطون اي وحده عباتها فاضحه يروحون يرشونها بالكلوركس

وطبعا تدرون وش يصير بالعباه تتغير ويروح لونها يقولون نبي نكافح هالبنات

اذا كان الهيئه ما قدرت لا عليهم

لا والله المكافحه ماهي بها الشكل طال عمرك انت وياه حركه بايخه جدا ومن حق اي واحد يخرب بيت هالشباب

يا اخي من انت اول شي عشان تسوي كذا ثاني شي يا اخي الدين النصيحه بالندوات والبروشورات

ماهو بها الشكل هذولي بشر بعد ماهم صراصير جاي ترشهم بمبيد حشري وتمشي

يعني سالفه الكلوركس ماهي مفيده بالعكس بالطيب وبالنصيحه كل شي يمشي تمام

هذا الي عندي الحين

طبعا الكلام مو مرتب وكاتبه باللهجه العاميه لانه جا في وقتها

طيب الحين فاصل ونواصل ان شاء الله مع موضوع جديد

والسموحه منكم اذا كان في الفاظ مش ولا بد خخخخخخخخخ

مودتي

[العمده]

بسم الله الرحمن الرحيم

بعد الفاصل واخذ قسطا من الراحه

نكمل كلامنا <<< عجبه الموضوع خخخخخخخخ

تكلمنا عن خواتنا بالنسبه للعباه وقبلها عن الام

نتكلم عن الشباب طال عمرهم

الحين طلعولنا بحركة جديده الشباب الاثواب المطرزه اولها

عجبني عنوان قريته الثوب كان مرجلة والحين صار مهزلة

اي وقسم انه صادق

مدري وش يحسون به صار مثله مثل عباة البنت المطرزه اللهم الفرق انه ملون

يا يجيك مخصر ومطرز وحركات ومدري وشو

يا اخوان الثوب يبين على الرجوله ماهو مثل الحين صار للمياعه

اهل العقول في راحه والله

منظر صار بايخ للشباب وهم لابسين هالثياب

لا والحين يقولك المطرز العالمي فلان الفلاني احلى ثياب مطرزه خخخخخخخخخ

لا حول ولا قوة اجل الحين الغرب صارو يفصلون لنا ثيابنا وناخذ منهم

كل شي من عندهم وماركات

بعد فتره ولا تستغربون راح ينافسون الشباب البنات على المكياج والاكسسوارات



تصميم جديد يعطي لصاحبه السمة الرياضية.
قطن 100 %.
قماش فرنسي
السعر: SR1,000


^^^^^^
^^^^
^^
^
شوفو المهزله المواصفات حق الثوب وشوفو السعر

لا المصيبه الكبيره يقولك عشان تكون رياضي

قلبوها ترنجات هذي عينه فقط

عينه اخرى

ثوب مطرز بطرقة حديثة وغريبة تعطي إنطباع وكأنك تتبع الخط الملائم.
للمناسبات الخاصة ومتوفرة باللون الأبيض والكريمي والسماوي.
لينين 100%
السعر: SR3,800



الحمدلله على كل حال




ثاني مشكلة مشكلة الجنزات

طيحني وبابا سامحلي ولا بابا سامحني هههههههههههههههههه

والله الكلام يطول ويطول في هالموضوع

وانا اصابيعي من الطقطقه انتهت خخخخخخخ

اراكم في قرقره اخرى ان شاء الله يعني موضوع اخر اذا الله اراد

شاكر لكم

[قمله عرجاء]

مشكوره خيتو ع موضوع الرائعه

ههههههههههههه أضحك ع عمدتنا تكسرت أصابعه وهو يكت ...بس سوالفه مفيده للبنات و الشباب والله يهديهم يارب

كول الحوب قموووووووووووله ^_^